ٽيجارام، سنت: سنت ٽيجارام جو جنم 24 اپريل 1895ع ۾ پير ڳوٺ ڀرسان صدرجيءَ ۾ ڌرمداس برجواڻيءَ جي گهر ۾ ٿيو. ننڍپڻ کان ئي من جو چاهه ڌڻيءَ سڳوري ڏي هو. فائينل سنڌي پاس ڪري رجسٽرار جي نوڪري ڪيائين. گهر ٻار وارو هوندي سنتن جي سنگ ۾ آيو. پيرڳوٺ ۾ سوامي پورڻا نند کي گرو مڃيائين. هو پاڻ کي ڀاڳوند سمجهندو هو، جو کيس سوامي هر پرڪاش، سائين مرچو رام، سوامي ليلا شاه، ڊاڪٽر روچلداس ۽ گوپالداس ”طالب“ جي صحبت نصيب ٿي. درويشن ۽ سنتن جي صحبت ۽ سنگت ۾ گذاربندي روحاني رنگ ۾ رچي ويو. ڀائي گنبارام جي سنگ ۾ راڳ ويراڳ سان واسطو پيس. روهڙيءَ ۾ سرڪاري نوڪريءَ دوران ڏينهن جو آفيس گذاريندو هو، باقي رات بيدل سائينءَ جي درگاهه تي صوفين جي صحبت ۾ گذاريندو هو. بيدل جي درگاهه تي 11 مهينا رهي فيض حاصل ڪيائين. 1944ع ۾ سرڪاري نوڪريءَ تان رٽائر ٿيڻ بعد رات ڏينهن ڌڻيءَ جي بندگي ۽ درويشن جي صحبت ۾ گذاريندو هو. ورهاڱي کان پوءِ الهاس نگر وڃي رهيو، جتي گهڻن صوفي ۽ ويدانتي شاعرن جو ڪلام ياد هو. رهڻي ڪهڻي سادي، سڀاءَ جو به سادو ۽ ڪڏهن به ڄاڻ جو ماڻ نه ڪيائين.
1895.04.24 عيسوي
سنت ٽيجارام جو جنم 24 اپريل 1895ع ۾ پير ڳوٺ ۾ ڌرمداس برجواڻيءَ جي گهر ۾ ٿيو